Maresca feston kualifikimin në Carabao Cup: Kemi ende hapësira për t'u përmirësuar

Kreu i stolin të Manchester Cityt, Enzo Maresca, ka shprehur plotësisht kënaqësinë e tij pas kalimit me sukses në fazën e ardhshme të Carabao Cup. Ekipi anglez triumfojë ndaj Brightonit përmes gjuajtjeve të penalltive, një sukses që strategu italian e vlerëson jashtëzakonisht shumë, duke marrë parasysh formën e lartë të kundërshtarit. “Brighton po kalon një moment të shkëlqyer. Ata shënojnë shumë gola në çdo ndeshje, ndaj e dinim se do të ishte e vështirë. Në aspektin mbrojtës mund të kishim bërë më mirë. Por, me këtë projekt kemi nisur vetëm tre muaj më parë”, u shpreh Maresca gjatë prononcimit të tij. Ai pranoi se ka ende shumë elementë që kërkojnë përmirësim në lojën e skuadrës. “Ndeshja ishte kaotike, por në përgjithësi e kontrolluam mjaft mirë. Brighton luan gjithmonë në sulm, me mbulim ‘një për një’. Të shtunën do të jetë saktësisht e njëjta gjë”, shtoi italiani. Më tej, Maresca theksoj se mentaliteti fitues mbetet i pandryshuar pavarësisht turneut: “Ky është një kompeticion tjetër, por ambicia duhet të mbetet e njëjtë. Ne duhet të bëjmë detyrën tonë, që do të thotë të fitojmë ndeshjet. Për momentin, po e bëjmë këtë.” Në fund, trajneri u ndal te politika e rotacionit dhe aktivizimi i lojtarëve të rinj: “Isha i kënaqur me mënyrën se si e planifikuam ndeshjen dhe me rotacionin. Isha shumë i kënaqur me lojtarët që luajtën.”