Bashkëpunimi dypalësh në fokus: Presidentja Shiroka Pula pret diplomaten amerikane Anu Prattipati

Presidentja e Republikës së Kosovës, Justina Shiroka Pula, ka zhvilluar një takim zyrtar me të ngarkuarën me punë në Ambasadën e Shteteve të Bashkuara të Amerikës në Prishtinë, Anu Prattipati, e cila i ka përcjellë urimet më të sinqerta për marrjen e përgjegjësive të reja shtetërore. Gjatë këtij takimi, shefja e shtetit ka falënderuar diplomaten amerikane për urimin dhe ka ripërsëritur vullnetin e palëkundur për të intensifikuar lidhjet dhe aleancën strategjike midis Kosovës dhe Shteteve të Bashkuara të Amerikës. Në këtë drejtim, Presidentja Shiroka Pula ka vënë iners në domosdoshmërinë e zgjerimit të fushave të bashkëpunimit ndërmjet dy shteteve tona mike. Gjithashtu, u bisedua mbi rëndësinë e ruajtjes së një koordinimi të vazhdueshëm e të ngushtë rreth temave me interes të ndërsjellë, me qëllim të garantimit të paqes dhe sigurisë në rajon, si dhe përkrahjes së vazhdueshme për zhvillimin dhe forcimin e subjektivitetit ndërkombëtar të Kosovës.