Vllaznia përforcon prapavijën, zyrtarizohet rikthimi i Flori Spahijas

Klubi i Vllaznisë ka zyrtarizuar përmes një njoftimi në rrjetet sociale rikthimin e mbrojtësit Flori Spahija, i cili do të jetë sërish pjesë e skuadrës shkodrane për të forcuar repartin defensiv. Futbollisti 23-vjeçar është një produkt i akademisë së Vllaznisë, ndërsa kujtohet se gjatë sezonit 2021-2022 ka triumfuar me fanellën kuqeblu në Kupën e Shqipërisë. Gjatë periudhës së mesit të sezonit 2025-2026, Spahija ka mbajtur fanellën e ekipeve kosovare, Prishtinës dhe Vjosës. Përmes mesazhit zyrtar të publikuar nga klubi, theksohet rëndësia e këtij rikthimi: “Flori Spahija rikthehet kuq e blu! Sërish me fanellën e Vllaznisë, për të dhënë më të mirën për këto ngjyra dhe tifozët shkodranë. Mirë se u riktheve në shtëpi, Flori”. Për trajnerin e skuadrës shkodrane, Casa Laszlo, ky afrim vjen si një alternativë mjaft e vlefshme dhe një opsion shtesë për të garantuar stabilitet në mbrojtje për pjesën e mbetur të sezonit.