Tragjedia në Pejë, avokatja publikon detajet tronditëse: Arlinda më Llutoi, por atë e vrau shteti

Reagimet e forta dhe akuzat ndaj institucioneve shtetërore kanë pasuar pas ngjarjes së rëndë të regjistruar në fshatin Vitomiricë të Pejës, ku u vra tragjikisht e ndjera Arlinda. Avokatja Adelina Hoxha ka ndarë dhimbjen dhe zemëratën e saj në rrjetet sociale, duke hedhur hije dyshimi mbi dështimin e sistemit për të mbrojtur qytetarët. Në dëshminë e saj publike, avokatja ka treguar se viktima i ishte përgjëruar me dëshpërim që të ndërmerrte çdo hap të mundshëm për të, duke theksuar se pas humbjes së djalit, jeta për të kishte humbur çdo kuptim, para se jeta t'i merrte fund në mënyrë barbare nga kunati i saj me sopatë. „Një grua që m’u përgjërua të bëj gjithçka, se nuk i duhet jeta pa djalin e saj, sonte u vra nga kunati me sopatë. Por jo, Arlindën e vrau shteti“, ka shkruar ndër të tjera Hoxha në postimin e saj, duke drejtuar gishtin nga përgjegjësia institucionale. Ndërkohë, paralajmërohet se e vërteta e plotë dhe provat materiale do të dalin në dritë shumë shpejt. Avokatja ka bërë të ditur se gjatë ditës së hënë do t'i bëjë publike të gjitha dëshmitë dhe dokumentacionin që lidhet ngushtë me këtë rast tronditës. Ngjarjen tragjike në Vitomiricë të Pejës e kanë konfirmuar zyrtarisht edhe organet e rendit dhe prokuroria, të cilat kanë nisur hetimet për të zbardhur rrethanat e plota të krimit që tronditi opinionin publik.