Vetoja e presidentes Shiroka-Pula: Ramadani shpjegon skenarin e pasojave për Ligjin e Speciales në Kuvend

Deputeti i Aleancës, Burim Ramadani, ka sqaruar se Kuvendi i Kosovës nuk ka mundësi ligjore që të bëjë ndryshime në Ligjin për Specialen, pasi i njëjti u kthye mbrapsht nga presidentja Justina Shiroka-Pula përmes përdorimit të së drejtës së vetos. Nëpërmjet një postimi në rrjetet sociale, Ramadani ka elaboruar procedurat kushtetuese që pasojnë këtë vendim, duke theksuar se Parlamenti nuk mund të ndryshojë asnjë nen apo paragraf të tij. Sipas tij, ligjvënësit kanë vetëm dy rrugë: ose të sigurojnë 61 vota për të rrëzuar veton e presidentes, rast në të cilin ligji hyn në fuqi në formën e tij origjinale, ose të dështojnë në sigurimin e këtij numri, gjë që do të thotë se nisma konsiderohet e shuar dhe procesi kthehet në pikën zero. Parlamentari ka qenë i prerë në deklaratën e tij, duke shtuar se çdo pretendim se legjislacioni është kthyer për korrigjim apo përmirësim përbën dezinformim dhe fshehje të realitetit juridik nga ana e aktorëve politikë. Kujtojmë se këtë të enjte, presidentja Justina Shiroka Pula e ka kthyer për rishqyrtim në Kuvend projektligjin që synon kufizimin e juridiksionit të Gjykatës Speciale, vetëm pak kohë pasi Partia Demokratike e Kosovës (PDK), si subjekt sponsorizues, kishte bërë një kërkesë të tillë zyrtare.