Forma e shkëlqyer e Egnatias në Evropë, rrogozhinasit synojnë triumfin ndaj danezëve të Aarhus

Skuadra e Egnatias është gati për një tjetër sfidë të rëndësishme në arenën ndërkombëtare, teksa të enjten do të zbarkojë në fushë për takimin e dytë të vlefshëm për Conference League. Dueli do të zhvillohet në transfertë kundër Aarhus në stadiumin “Cepheus Park”, me fillim nga ora 21:00. Pas barazimit premtues të arritur në “Elbasan Arena” përballë Midtjylland, i cili solli pikën e parë historike në fazën e grupeve për debutuesit, kampionët e vendit synojnë të bëjnë hapin e radhës dhe të kërkojnë maksimumin nga kjo përballje me kundërshtarin nga Danimarka. Vendasit e Aarhus nuk po kalojnë një moment të favorshëm, pasi vijnë pas dy rezultateve negative që kanë krijuar situatë alarmi në kampin e tyre. Pozita e dhjetë në renditje me vetëm 9 pikë të grumbulluara e vendos skuadrën daneze në një zonë mjaft të rrezikshme të klasifikimit. Kjo situatë krijon një mundësi ideale për skuadrën e Egnatias, e cila udhëton drejt Danimarkës me synimin e qartë për të fituar dhe për të rrëmbyer tre pikët e para historike në skenën evropiane.