Trazirat në Tiranë: Policia ndërhyn me dhunë dhe shoqëron protestuesit pranë xhamisë Et’hem Beu

Pas shpërndarjes së tubimit në kryeqytet, autoritetet rendore kanë ndërmarrë një valë ndalimesh në disa prej rrugëve kryesore të Tiranës, duke shoqëruar disa prej pjesëmarrësve. Sipas informacioneve të siguruara, veprimet e forcave të rendit kanë qenë të ashpra, duke përfshirë edhe arrestime me përdorim force në shkallët e xhamisë historike “Et’hem Beu”, e cila ndodhet në zemër të sheshit “Skënderbej”. Gjatë ndërhyrjes, një prej efektivëve është parë duke goditur një nga protestuesit, ndërsa reagimi i shpejtë i kolegëve të tjerë ka shmangur një përshkallëzim më të madh të dhunës në terren. Ky operacion i gjerë policor ka sjellë përfundimin e parakohshëm të protestës së sotme, e cila u mbyll më shpejt se ç kishin parashikuar organizatorët.