Paradite e freskët dhe orë me diell: Çfarë moti na pret gjatë ditës së sotme

Për ditën e sotme, territori i vendit tonë parashikohet të karakterizohet nga mot i qëndrueshëm, ku do të mbizotërojë kthjellimi dhe vranësirat kalimtare. Bazuar në parashikimet e Institutit Hidrometeorologjik të Kosovës, termometrat në orët e para të ditës do të shënojnë vlera minimale që do të lëvizin nga 0°C deri në 3°C, ndërsa gjatë mesditës temperaturat maksimale do të ngjiten ndjeshëm, duke u matur nga 13°C deri në 17°C. Meteorologët bëjnë me dije se amplituda termike ndërmjet mëngjesit dhe mesditës do të sjellë një ndjesi më të theksuar të të ftohtit në orët e hershme dhe ato të mbrëmjes. Për këtë arsye, u bëhet thirrje qytetarëve, veçanërisht të moshuarve dhe personave që përballen me sëmundje kronike, që të tregojnë kujdes dhe të zgjedhin veshje të përshtatshme për kushtet atmosferike. Sa i takon fushave barike dhe erës, ajo do të fryjë kryesisht nga kuadratit i verilindjes dhe veriperëndimit, duke ruajtur një shpejtësi të lehtë prej 1 deri në 3 metra në sekondë.