Prona komunale te “Bregu i Diellit”: Gjykata Supreme pranon kërkesën e Prishtinës dhe kthen çështjen në rigjykim

Kryetari i Komunës së Prishtinës, Përparim Rama, ka ndarë me publikun një zhvillim të rëndësishëm lidhur me betejën ligjore për pronën publike në lagjen “Bregu i Diellit”. Ai ka njoftuar se Gjykata Supreme ka marrë vendim pozitiv duke aprovuar revizionin e dorëzuar nga institucioni që ai drejton. Përmes një publikimi në rrjetet sociale, i pari i kryeqytetit bëri të ditur se ky instancë e lartë gjyqësore ka hedhur poshtë vendimin e deritanishëm të Gjykatës së Apelit. Njëkohësisht, Supremja ka vendosur që lënda të kthehet edhe një herë në shqyrtim nga fillimi, duke i hapur rrugë një procesi të ri gjyqësor për këtë pronë.