Traditë tetëdhjetëvjeçare: Teatri Kombëtar i Kosovës bëhet me pullë postare dedikuar skenës

“Muharrem, Katarina, Bekim, Enver, Faruk, Abdurrahman, Meribane, Shani…” Këta janë vetëm disa nga personalitetet e shquara që u evokuan me respekt nga udhëheqësi artistik dhe ushtruesi i detyrës së drejtorit të Teatrit Kombëtar të Kosovës, Kushtrim Mehmeti. Këto emra të rëndësishëm të artit skenik u përmendën gjatë fjalës së tij hapëse në ceremoninë solemne për lansimin e pullës postare dedikuar 80-vjetorit të themelimit të këtij institucioni të lartë kulturor, ngjarje kjo që shënon një kapitull të rëndësishëm të rrugëtimit dhe kujtesës historike të teatrit në vend.