Trazirat në kryeqytet rrezikojnë sfidën evropiane: Ndeshja Egnatia - Midtjylland në pikëpyetje

Zhvillimi i ndeshjes mes Egnatias dhe skuadrës daneze Midtjylland është vënë seriozisht në rrezik për shkak të situatës së tensionuar në kryeqytet. Dueli i vlefshëm për raundin e parë të Ligës së Konferencës, i planifikuar të luhet të enjten e 15 tetorit në orën 18:45 në stadiumin “Air Albania”, po përcillet me zhvillime dramatike prapaskenore. Sipas informacioneve të siguruara, seanca stërvitore e ekipit danez në impiantin ku do të zhvillohet takimi zgjati vetëm pak minuta, pasi u desh të ndërpritej menjëherë për shkak të pranisë së gazit lotsjellës në zonë. Tirana po përballet me një situatë kaotike, teksa protestuesit kanë dalë në rrugë duke kërkuar dorëheqjen e kryeministrit Edi Rama, duke krijuar një ambient tejet të pasigurt për aktivitetet publike. Edhe skuadra e Egnatias është detyruar të anulojë seancën e saj stërvitore në “Air Albania”, pasi zhvillimi i saj ishte i pamundur. Tashmë gjithçka mbetet në dorë të vendimeve që do dalin nga mbledhja e jashtëzakonshme e sigurisë për fatin e kësaj ndeshjeje.