Konjufca takon homologun norvegjez në Varshavë, diskutojnë për integrimin evropian dhe sigurinë në Ballkan

Zëvendëskryeministri i parë dhe ministri i Punëve të Jashtme dhe Diasporës i Kosovës, Glauk Konjufca, ka zhvilluar një takim me ministrin e Punëve të Jashtme të Norvegjisë, Espen Barth Eide, në kuadër të Forumit të Sigurisë në Varshavë. Sipas njoftimit, gjatë takimit janë shkëmbyer pikëpamje për rrugën e Kosovës drejt Bashkimit Evropian, çështjet e sigurisë në Ballkanin Perëndimor dhe forcimin e mëtejshëm të marrëdhënieve ndërmjet Kosovës dhe Norvegjisë.