​Obiliqi dhe Millosheva të enjten do të mbesin pa ujë

Kompania Rajonale e Ujësjellësit “Prishtina” bën të ditur se më 15 tetor 2026 (e enjte) do të ketë ndërprerje të përkohshme të furnizimit me ujë në qytetin e Obiliqit dhe në fshatin Milloshevë. Sipas njoftimit të kësaj kompanie, ndërprerja do të bëhet për shkak të punimeve të planifikuara në rezervuarin e qytetit dhe do të zgjasë nga ora 09:00 deri në 18:00. KRU “Prishtina” ka bërë të ditur se ekipet do të angazhohen për përfundimin e punimeve brenda afatit të paraparë. Pas rikthimit të furnizimit me ujë, kompania ka kërkuar nga konsumatorët që t’i lënë rubinetat hapur për disa minuta, pasi uji mund të paraqitet përkohësisht i turbullt.