Formacioni ideal në Slloveni, mesfushori i Kosovës shpërblehet pas paraqitjes fantastike

Paraqitja e shkëlqyer në kampionatin slloven i ka sjellë një tjetër vlerësim të rëndësishëm futbollistit të Kombëtares së Kosovës, Milot Avdyli, i cili është përfshirë zyrtarisht në formacionin më të mirë të javës. Talenti kosovar la gjurmë vendimtare në ndeshjen e fundit, duke realizuar golin e triumfit për skuadrën e Celjes në kuadër të Superligës sllovene të futbollit. Përfaqësuesit e elitës së futbollit në Slloveni kanë publikuar listën me 11 lojtarët më të dalluar të javës që lamë pas, ku emri i Avdylit figuron në listë si dëshmi e formës së tij të lartë.