Sezoni i ngrohjes në Shkup nis para kohe: Radiatorët ndizen këtë mëngjes për shkak të të ftohtit

Banorët e kryeqytetit të Maqedonisë së Veriut, të cilët janë të kyçur në rrjetin e ngrohjes qendrore, kanë nisur të ngrohen që në orët e para të mëngjesit të sotëm. Sipas njoftimit zyrtar nga SHA EMV, ky vendim është marrë për shkak të rënies së ndjeshme të temperatures dhe plotësimit të kushteve teknike, duke bërë që sistemi të vihet në punë para datës së parashikuar për nisjen zyrtare të sezonit 2026/2027. Edhe pse kalendari zyrtar parashikonte që furnizimi me energji termike të fillonte më 15 tetor, parashikimet meteorologjike për mot më të ftohtë krijuan kushtet që kjo procedurë të realizohej më herët. Në lidhje me këtë situatë, kompania përgjegjëse u ka bërë thirrje konsumatorëve që të bëjnë një kontroll paraprak të instalimeve të brendshme dhe trupave ngrohës në banesat e tyre, duke kërkuar që çdo parregullsi apo rrjedhje uji të lajmërohet menjëherë te shërbimet kompetente.