Skema e sulmit ndaj Bjellorusisë, sinjalet e para nga kuqezinjtë ndezin entuziazmin e tifozëve

Pak orë përpara përballjes vendimtare të Ligës së Kombeve mes Shqipërisë dhe Bjellorusisë, Federata Shqiptare e Futbollit (FSHF) ka ndezur atmosferën me publikimin e posterit zyrtar të ndeshjes. Në sfondin e këtij materiali vizual spikasin tre sulmuesit kryesorë të Kombëtares, duke paralajmëruar qasjen taktike që pritet të ndiqet në fushë. Bëhet fjalë për Ernest Muçin, Rey Manaj dhe Arbër Hoxha, një tregolësh ofensiv që sipas të gjitha gjasave do të udhëheqë vijën e parë të sulmit kuqezi. Ky përzgjedhje vizuale ka ngjallur reagime pozitive dhe pritshmëri të larta në radhët e mbështetësve të Kombëtares. Tifozët tashmë presin një paraqitje shumë më sulmuese ndaj Bjellorusisë, ku triumfi mbetet një detyrë e pakompromis. Fitorja në këtë duel është çelësi për të siguruar vendin e parë në Ligën C dhe për të përmbyllur me sukses këtë fushatë.