Vërtetuan shpejtësi marramendëse në Qyshk të Pejës, dy drejtuesve të automjeteve u vihen gjoba të kripura

Uniformat blu të Policisë së Kosovës kanë ndërmarrë masa ndëshkimore ndaj dy drejtuesve të mjeteve, të cilët janë diktuar duke lëvizur me shpejtësi tej mase të palejuar në fshatin Qyshk të Pejës. Bazuar në informacionet zyrtare të policisë, incidenti i parë u regjistrua më 10 tetor në aksin rrugor Prishtinë–Pejë. Aty, radari ka kapur një automjet që po qarkullonte me 164 kilometra në orë, ndonëse në atë pjesë të rrugës kufizimi i shpejtësisë është i caktuar në 60 kilometra në orë. Vetëm një ditë më vonë, më 11 tetor, në të njëjtin segment rrugor në fshatin e njëjtë, është konstatuar një tjetër shkelje e rregullave të trafikut. Një shofer i drethuar është matur duke drejtuar makinën me 140 kilometra në orë, në një zonë ku shpejtësia maksimale e lejuar është po ashtu 60 kilometra në orë. Autoritetet policore kanë bërë me dije se drejtuesi i dytë i mjetit ka qenë duke vozitur në kundërshtim me një ndalesë aktive për drejtim automjeti, e cila ishte në fuqi deri më 18 nëntor 2026. Përveç gjobës financiare prej 500 eurosh që u është vënë të dy shkelësve, atyre u janë regjistruar edhe nga pesë pikë negative në patentëshofer, si dhe u është shqiptuar masa mbrojtëse e ndalimit të drejtimit për gjashtë muaj. Ndërkaq, ndaj drejtuesit të dytë është zbatuar edhe masa shtesë e konfiskimit të automjetit.