Lëvizje e papritur e Rangnick: Austria me portier debutues ndaj Kosovës

Përfaqësuesja e Austrisë pritet të paraqitet me risi të rëndësishme në repartin e portës përballë Kosovës, në kuadër të ndeshjeve të Ligës së Kombeve. Selektori Ralf Rangnick ka marrë një vendim të bujshëm për sfidën e së dielës. Sipas raportimeve nga mediat austriake, Alexander Schlager, i cili mbrojti portën në triumfin 3:1 kundër Izraelit, këtë kësaj radhe do të mbetet jashtë formacionit titullar, fakt ky i konfirmuar edhe nga vetë trajneri para ndeshjes. Kjo lëvizje i hap rrugë debutimit absolut me kombëtaren A të Austrisë për njërin mes Lukas Jungëirth dhe Christian Zaëieschitzky. Rangnick ka zbuluar gjithashtu një detaj strategjik lidhur me këtë zgjedhje, duke bërë të ditur se “gardiani” që do të aktivizohet ndaj Kosovës do t'i bashkohet menjëherë pas këtij takimi Përfaqësueses U21 të Austrisë, për ta ndihmuar në sfidën vendimtare kualifikuese për Kampionatin Evropian kundër Danimarkës. Duke qenë se Lukas Jungëirth ka mbajtur rolin e portierit të parë tek U21 së fundmi, situata mbetet interesante. Pavarësisht ndryshimit të madh në një pozicion kaq delikat, trajneri gjerman nuk e konsideron këtë vendim si një rrezik të llogaritur keq. Ai ka theksuar se të gjithë portierët kanë shfaqur formë të shkëlqyer dhe kanë lënë përshtypje pozitive gjatë seancave stërvitore. Ndërkohë, për sfidat e ardhshme në udhëtim, fillimisht në Dublin e më pas në Prishtinë, gara për fanellën e titullarit mbetet plotësisht e hapur. Krahas emrave në fjalë, në listën e gjerë të Austrisë figurojnë sërish Alexander Schlager dhe portieri i katërt, Florian Wiegele.