Skandali në drejtësi: Iva Mihailova largohet drejt Bullgarisë pa miratimin e gjykatës maqedonase

Iva Mihailova, banorja e Koçanit e cila posedon identitet bullgar dhe po ballafaqohet me procesin gjyqësor për një aksident tragjik trafiku me një viktimë, ka arritur të kalojë kufirin ndërmjet Maqedonisë së Veriut dhe Bullgarisë pa pajisur më parë me lejen e institucionit përkatës gjyqësor. Lidhur me këtë zhvillim ka reaguar avokati i saj mbrojtës, Naser Raufi, i cili ka pranuar se është vënë në dijeni për largimin e saj vetëm gjatë orëve të mëngjesit. Sipas tij, mbrojtja kishte planifikuar të dorëzonte një kërkesë të re, pasi kishte marrë një njoftim zyrtar nga Ministria e Punëve të Jashtme se mjekë nga Bullgaria do të vinin për ta ekzaminuar. Raufi ka shtuar se seanca gjyqërore tashmë do të duhet të vijojë në mungesë të saj, ndërkohë që ishte parashikuar dëshmia e ekspertit të trafikut për të mbështetur pretendimet se e pandehura nuk kishte detyrim të gjendej në atë korsi, duke aluduar se vendimi është marrë në bashkëpunim me avokatin nga Bullgaria. Në prag të këtij zhvillimi, vetë Iva Mihailova ka deklaruar se në Maqedoninë e Veriut është përballur me përndjekje për shkak të përkatësisë së saj etnike bullgare. Kalimi i saj kufitar, i kryer nën shoqërimin e avokatit bullgar Nikolaj Dimitrov, është bërë publik fillimisht përmes mediave në Sofje. Ndërkohë, zëvendëspresidentja e Bullgarisë, Iliana Yotova, ka bërë të ditur se autoritetet atje janë në pritje të konkluzioneve mjekësore nga spitali në Pirogov lidhur me gjendjen shëndetësore të 23-vjeçares. Mihailova u transferua në Bullgari pas një periudhe të gjatë sfidash ligjore në Maqedoninë e Veriut, të motivuara nga domosdoshmëria e trajtimit të specializuar mjekësor për dëmtimet e pësuara në aksidentin e rëndë. Yotova theksoi për mediat se pritet vlerësimi i gjendjes së saj për të ndërmarrë hapat emergjentë për të cilët është bërë presion për muaj të tërë, jo vetëm brenda vendit, por edhe para instancave ndërkombëtare.