Dy granata dore në një qese plastike janë gjetur të hënën në Han të Elezit, ka njoftuar Policia e Kosovës. Mjetet shpërthyese janë gjetur gjatë rrënimit të një shtëpie, ka njoftuar një person, derisa në vendin e ngjarjes ka dalë njësia për deminim e Forcës së Sigurisë së Kosovës (FSK). Mjetet shpërthyese janë tërhequr në mënyrë të sigurt. Rasti është iniciuar si “gjetje e mjetit të pashpërthyer”. “Është raportuar se gjatë rrënimit të shtëpisë së ankuesit mashkull kosovar është hasur në një qese plastike në të cilën dyshohet se ndodheshin 2 granata dore-mjete të pashpërthyera. Njësia për deminim e FSK-së ka ndal dhe ka bërë tërheqjen e granatave në mënyrë të sigurt”, thuhet në njoftimin policor.