Reagimi i fortë i ASHAK-ut: UÇK-ja përbën gurthemelin e historisë sonë, drejtësia nuk duhet të gjykojë lirinë

Kryetarja e Akademisë së Shkencave dhe Arteve të Kosovës (ASHAK), Justina Pula, ka adresuar një reagim publik lidhur me vendimin e fundit të Gjykatës Speciale në Hagë ndaj ish-udhëheqësve të Ushtrisë Çlirimtare të Kosovës. Nëpërmjet një postimi në rrjetet sociale, Pula ka theksuar se ky zhvillim juridik kërkon një reflektim të thellë jo thjesht për vendimin e dhënë, por edhe për vetë kornizën, mandatin dhe praktikën funksionale të Dhomave të Specializuara. Ajo ka ngritur shqetësimin se ndjekjet penale ndaj personave të veçantë nuk guxojnë në asnjë mënyrë të shndërrohen në një proces gjykimi të të gjithë lëvizjes çlirimtare, epokës historike apo ideales shekullore të popullit për liri dhe vetëvendosje, duke e cilësuar UÇK-në si një kapitull kyç dhe të patjetërsueshëm të historisë kombëtare. Duke folur për standardet e shtetit së së drejtës, kreu i ASHAK-ut ka nënvizuar se respektimi i ligjit dhe normave procedurale nuk e shmang aspak nevojën për kritikë institucionale, e cila në një shoqëri të mirëfilltë demokratike i jep legjitimitet dhe besueshmëri vetë organeve të drejtësisë përmes transparencës dhe llogaridhënies publike.