Rigjykimi për vrasjen e shtetases argjentinase: Sot mbahet seanca ndaj Endrit Nikës

Gjykata në kryeqytet pritet të mblidhet këtë mëngjes për të rishqyrtuar çështjen penale ndaj Endrit Nikës. Seanca gjyqësore është caktuar të nisë në orën 09:30, në ambientet e Pallatit të Drejtësisë në Prishtinë. Në këtë proces gjyqësor, Endrit Nika ballafaqohet me akuzat për privimin nga jeta të shtetases nga Argjentina, Maria Clara Urdangaray. Kujtojmë se më 19 shkurt të këtij viti, Gjykata Themelore në Prishtinë kishte marrë vendim ndaj të pandehurit Nika, duke e shpallur fajtor dhe duke e dënuar me 18 vjet heqje lirie për veprën penale të vrasjes së rëndë të partneres së tij, Maria Clara Urdangaray.