Përmbysje e dhimbshme në shtëpi, Kosova e Düsseldorfit dorëzohet para ESC Rellinghausen 06

Kosova e Düsseldorfit ka regjistruar një humbje zhgënjyese para tifozëve të vet, pasi është mposhtur me rezultatin 1:2 nga ESC Rellinghausen 06, në takimin e vlefshëm për javën e nëntë të Landesligas. Pjesa e parë nisi mbarë për skuadrën vendase, e cila arriti të zhbllokojë shifrat në minutën e 33-të falë një goli të shënuar nga Halili, duke krijuar epërsinë në fushë. Megjithatë, mysafirët reaguan fuqishëm para mbylljes së fraksionit të parë, duke barazuar përmes Tchalawou në minutën e 45-të. Ndërkohë, në pjesën e dytë, ta zotët e shtëpisë pësuan edhe një tjetër goditje, kur Rapka realizoi në minutën e 70-të, duke vulosur përmbysjen dhe fitoren e madhe për ESC Rellinghausen 06. Pas kësaj xhiroje të nëntë, ESC Rellinghausen 06 pozicionohet në vendin e katërt të klasifikimit me 14 pikë të grumbulluara, kurse Kosova e Düsseldorfit renditet në shkallën e tetë me 12 pikë në llogarinë e saj. Për sfidën e radhës, skuadra e Kosovës së Düsseldorfit do t'i duhet të udhëtojë për të matur forcat jashtë fushe kundër FC Kray.