A do t'i bashkohet Arijon Ibrahimovic Kombëtares së Kosovës? Flet menaxheri Bajram Shala

Menaxheri i Përfaqësueses së Kosovës, Bajram Shala, ka dhënë detaje të reja rreth situatës së talentit me origjinë nga Prizreni, Arijon Ibrahimovic, dhe gjasave që ai të vishet kuqezi në të ardhmen. Sipas Shalës, kontaktet me lojtarin mbahen ekskluzivisht nga krerët e Federatës dhe përzgjedhësi Foda, ndërsa theksoi se aktualisht nuk ka ndonjë pritshmëri reale për ndonjë lëvizje gjatë muajit nëntor. Ai shtoi se gjatë kësaj kohe ka pasur faza kur lojtari ka qenë më pranë apo më larg këtij vendimi. Futbollisti i ri, i cili po luan në Bundesligë me fanellën e Augsburgut, ende nuk ka regjistruar ndonjë gol apo asistim në tri paraqitjet e tij këtë sezon. Megjithatë, Ibrahimovic ka qenë pjesë e grupit të grupmoshave U21 të Gjermanisë, ku ka spikatur duke realizuar një gol të rëndësishëm në sfidën kundër Letonisë.