Formë e shkëlqyer për kuqeziun: Indrit Tuci shënon dy gola në spektaklin me gjashtë gola

Sulmuesi i Kombëtares shqiptare, Indrit Tuci, ka qenë protagonist absolut në ndeshjen e fundit të Olimpja Ljubljanës, duke realizuar një dygolësh në barazimin spektakolar 3:3 në fushën e tyre kundër Murës. Tuci tundi rrjetën dy herë, respektivisht në minutat 31 dhe 52, duke i siguruar skuadrës vendase një epërsi të dyfishtë. Megjithatë, vendasit nuk arritën ta ruanin këtë avantazh deri në fund, duke lejuar kundërshtarët të largohen me një pikë të rëndësishme nga ky takim dramatik. Përmes kësaj paraqitjeje, sulmuesi 26-vjeçar ka çuar në tre numrin e përgjithshëm të golave të shënuar brenda gjashtë javëve të këtij sezoni. Hera e fundit që ai kishte regjistruar një ecuri kaq pozitive shënimi në kampionat daton në edicionin 2023/2024, kur mbante veshur fanellën e Lokomotiva Zagreb në Kroaci, ku pati realizuar gjashtë herë në 17 paraqitje. Kujtojmë se Indrit Tuci u bashkua me skuadrën e Olimpja Ljubljanës gjatë merkatos së verës së këtij viti, pasi u transferua nga radhët e Sparta Pragës.