“Më erdhi keq që mbeta jashtë” – Sulmuesi i Interit lëshon mesazhin e fortë për Zinedine Zidane

Interi ka triumfuar me rezultatin e pastër 3-0 ndaj Parmës në “San Siro”, në takimin e vlefshëm për javën e gjashtë të kampionatit italian, Serie A. Për Marcus Thuram, Parma mbetet kundërshtari i preferuar, pasi sulmuesi francez ka arritur të shënojë 5 gola në po aq ndeshje ndaj skuadrës së qytetit ku ai ka lindur, duke përfshirë edhe rrjetën vendimtare që i dha drejtim titullit më 3 maj. Pas përfundimit të sfidës, sulmuesi shtatlartë ka dërguar një mesazh të qartë në adresë të trajnerit të kombëtares së Francës, Zinedine Zidane, i cili vendosi ta linte jashtë grumbullimit për ndeshjet e fundit të Ligës së Kombeve. “Natyrisht që do të kisha dashur të isha pjesë e kombëtares, por tekniku mori vendimet e veta dhe unë i respektoj ato plotësisht”, u shpreh fillimisht sulmuesi. “Megjithatë, qëndrova në Pinetina dhe u stërvita me intensitet të lartë. Diskutimet dhe fjalët nuk do të mungojnë kurrë, sidomos kur pretendohet se i nisim ndeshjet duke pësuar, por e rëndësishme është se ne zbresim në fushë vetëm me objektivin e vetëm: fitoren”, përfundoi Thuram.