Tensione para derbit të madh, përleshje mes tifozëve në afërsi të stadiumit “Air Albania”

Atmosfera para sfidës më të zjarrtë të kryeqytetit mes Partizanit dhe Tiranës është tensionuar, pasi në afërsi të stadiumit “Air Albania” janë regjistruar incidente fizike mes tifozëve të dy kampeve rivale. Në pamjet e siguruara shihen qartë përplasjet mes mbështetësve, ndërkohë që reagimi i efektivëve të rendit ka qenë i menjëhershëm për të vendosur situatën nën kontroll dhe për të shmangur përshkallëzimin e mëtejshëm të dhunës. Ky duel i vlefshëm për javën e gjashtë të kampionatit është caktuar të zhvillohet më 11 tetor, me fillim nga ora 18:30. Përballja në stadiumin kombëtar vjen në një periudhë delikate për të dyja skuadrat. Bardheblutë e Tiranës renditen aktualisht në vendin e gjashtë të tabelës, duke numëruar vetëm një pikë më shumë se rivalët e tyre të përjetshëm, Partizani.