Chivu pas triumfit ndaj Parmës: Ekipi tregoi dinamizëm dhe nivel të lartë

Pas fitores së pastër 3-0 kundër Parmës, e cila u vulos nga golat e Sucic në minutën e 13-të, penalltisë së Calhanoglu në minutën e 19-të dhe rrjetës së Thuram në minutën e 31-të, trajneri i Interit, Cristian Chivu, ka shprehur hapur miratimin e tij për paraqitjen e skuadrës përpara mikrofonave të “Dazn”. “Jam i kënaqur me energjinë dhe cilësinë. Ne u përshtatëm shpejt me kundërshtarin. Jam i lumtur që kam futur në fushë ata që kishin luajtur më pak minuta”, u shpreh strategu zikaltër pas takimit. Duke analizuar paraqitjen e lojtarëve individualë, Chivu ndalua te Pio Esposito, të cilin e hodhi në fushë nga minuta e parë për krah Thuram. “Pio Esposito? Ai është bujar. Egoizmi nuk është pjesë e fjalorit të tij. Ai ka vend për përmirësim dhe punon shumë. Gjithashtu u impresionova nga kundërsulmet e tij. Ai e vë veten në dispozicion të grupit dhe do të na japë një dorë të madhe”, theksoi ai. Më tej, tekniku përmendi edhe kontributin e pjesës tjetër të grupit: “Carlos Augusto ka disa cilësi të rëndësishme, si në aspektin e forcës së tij fizike ashtu edhe të energjisë që sjell në duele. Ai ka një gjuajtje mbresëlënëse nga distanca. Jemi të lumtur që e kemi, pasi ai e kupton se këto janë cilësitë e tij”. Në fund, Chivu foli edhe për mesfushorin turk dhe prurjen më të re: “Calhanoglu po luan mirë, le të shijojmë ndeshjen e parë të Spence, pasi ka punuar vetëm me shokët e tij të ekipit për një javë. Nuk mund të presim shumë, ai ka nevojë për stërvitje dhe minuta. Do ta shohim dhe shpresojmë që me praktikën e përditshme ai të mund të përmirësohet”.