Maqedonia përkujton 85-vjetorin e kryengritjes antifashiste dhe rrugën drejt lirisë

Sot në Maqedoni shënohet 11 Tetori, duke u bërë kështu 85 vjet nga dita e Kryengritjes Popullore. Ngjarja historike e vitit 1941 mbetet një simbol i fortë i rezistencës dhe shënon nisjen zyrtare të Luftës Nacionalçlirimtare Antifashiste në Maqedoninë e Vardarit. Kjo datë historike përfaqëson një gurthemel në përpjekjet e vazhdueshme për identitet dhe shtetësi. Ajo lidhet ngushtë me traditat liridashëse të trashëguara ndër breza përmes kryengritjeve të mëparshme si ajo e Karposhit, Razllovecit, Kresnës dhe Ilindenit, të orientuara drejt çlirimit shoqëror e kombëtar. Vendosmëria e treguar nga luftëtarët e çetës së parë partizane të Prilepit përmes sulmeve mbi stacionin policor bullgar, burgun dhe shkatërrimit të rrjeteve të telekomunikacionit e elektrike, i dha hov të ri përpjekjeve për çlirim. Evolucioni i rezistencës vijoi menjëherë më 12 tetor 1941, kur luftimet e armatosura u përhapën edhe në zonën e Kumanovës. Në lokacionin Menkova Koliba u themelua çeta partizane e Karadakut, e cila bashkë me atë të Kumanovës, të krijuar në Studena Voda, zgjeroi fushatën e operacioneve ushtarake deri më 17 tetor 1941.