“Si nuk e sheh veten?” – Gjinovci “shigjeton” Përparim Ramën pas ambicieve për kryeministër

Analisti Rron Gjinovci ka shpërthyer në kritika dhe tone ironike ndaj kryetarit të Prishtinës, Përparim Rama, pasi ky i fundit shprehu hapur synimin për t'u bërë kryeministër i Kosovës. Reagimi i Gjinovcit erdhi pas një paraqitjeje publike të kreut të kryeqytetit në një intervistë me një krijues përmbajtjeje të huaj. Në reagimin e tij, Gjinovci nuk i ka kursyer ironitë ndaj mënyrës se si ishte inskenuar intervista, e cila sipas tij ishte paraqitur si e rastësishme. Ai ka vënë në dukje pamjen e jashtme të kryetarit Rama dhe ka hedhur poshtë pretendimet e tij për të udhëhequr vendin, duke ia kujtuar gjendjen aktuale të Prishtinës. “Përparim Rama ke tepër i gërditshëm në inskenimin e nji interviste kinse të rastësishme nga nji influencer i huji, i cili i thotë shumë bukur koke vesh dhe pastaj fillon biseda. Në fakt ai jo që s'ish vesh bukur, me ni kmishë rrudh m' rrudhë, po ish kon edhe i palamë e i pamirëmbajtun si shpeshherë. Nejse… Aty fillon ky me kallxu që osht kryetar i Prishtinës edhe qysh po përgatitet me rrëzu kryeministrin edhe me u bo kryeministër për me ndreq venin 😂. I nderumi e ka krejt qytetin qe e udhëheq full bërllog 🤦‍♂️ Qysh nuk pe vren tipi veten që moti ka lëshu gazra në shishe (ka pordhë në shishe)”, ka shkruar Gjinovci në postimin e tij.