11 Tetori, Dita Botërore e Mbipeshës: Thirrje globale për vetëdijesim dhe zgjidhje praktike

Data 11 tetor shënon çdo vit Ditën Botërore e Mbipeshës, një ngjarje e dedikuar promovimit të zgjidhjeve efektive përballë sfidës globale të mbipeshës. Kjo nismë u organizua për herë të parë në vitin 2015 dhe, qysh atëherë, synon të ndërgjegjësojë opinionin publik anembanë botës mbi rreziqet që paraqet mbipesha, e cila konsiderohet ndër faktorët kryesorë që dëmtojnë ndjeshëm cilësinë e jetës së njeriut. Fokusi kryesor i kësaj dite mbetet ndërmarrja e fushatave informuese, parandalimi i këtij fenomeni, si dhe ofrimi i mbështetjes së nevojshme për individët që përballen me këtë problem shëndetësor.