Incident me armë zjarri në Caparc të Prizrenit: Plagoset aksidentalisht një person, policia konfiskon dy pistoleta

Një incident i papritur me armë zjarri ka ndodhur pasditen e së shtunës, më 10 tetor, në fshatin Caparc të Prizrenit, ku si pasojë ka mbetur i plagosur aksidentalisht një person. Sipas njoftimit zyrtar nga Policia e Kosovës, rasti është regjistruar rreth orës 15:10. I dyshuari ka kërkuar ndihmë mjekësore pasi është lënduar pa dashje nga pistoleta e një të dyshuari tjetër. Burimet zyrtare bëjnë të ditur se i plagosuri ndodhet jashtë rrezikut për jetën. Gjatë këqyrjes së vendit të ngjarjes, njësitet policore kanë sekuestruar në cilësinë e provave materiale dy pistoleta të llojit "Sig Sauer", dy karikatorë, 27 fishekë, një gëzhojë, si dhe një predhë fisheku. Lidhur me rastin është njoftuar prokurori i shtetit, me vendim të të cilit çështja do të vazhdojë të trajtosh në procedurë të rregullt.