GLPS ngre alarmin: Projektligji për Byronë e Pasurisë rrezikon sërish rrëzimin kushtetues

Grupi për Studime Juridike dhe Politike (GLPS) ka ngritur shqetësime serioze lidhur me Projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme. Sipas këtij organizmi, dokumenti ligjor që ka marrë tashmë dritën jeshile në lexim të parë nga Kuvendi i Kosovës, vuan nga paqartësi të theksuara juridike dhe dështon të integrojë si duhet rekomandimet apo vërejtjet e mëparshme të Gjykatës Kushtetuese, duke paralajmëruar kështu një mundësi reale të kontestimit të tij të radhës.