Vranësira dhe reshje shiu në vend, ja si do të lëvizin temperaturat sot

Territori i Kosovës do të përfshihet sot nga kushte atmosferike të paqëndrueshme, ku mbizotërim do të kenë vranësirat dhe reshjet e shiut. Intensiteti i reshjeve do të jetë mesatar deri i lartë, ndërsa në rajone të caktuara ato mund të jenë edhe më të theksuara. Bazuar në të dhënat e publikuara nga Instituti Hidrometeorologjik i Kosovës (IHMK), termometrat do të shënojnë vlera minimale që do të lëvizin ndërmjet 6 dhe 11 gradë Celsius. Ndërkaq, temperaturat maksimale të ditës parashihet të arrijnë nga 12 deri në 16 gradë Celsius. Sa i përket fushave termike dhe erës, ajo do të fryjë kryesisht nga veriperëndimi dhe verilindja. Shpejtësia e erës do të jetë e lehtë deri mesatare, duke u matur nga 1 deri në 9 metra në sekondë.