Moti sot: Vranësira dhe reshje shiu me intensitet të lartë në disa zona

Dita e sotme në Kosovë do të karakterizohet nga një mot kryesisht i mbuluar me vranësira, të cilat do të shoqërohen me reshje shiu të nivelit mesatar deri të lartë. Në vise të caktuara, këto reshje mund të jenë më të dendura dhe më të theksuara. Sipas parashikimeve nga Instituti Hidrometeorologjik i Kosovës, pritet që temperaturat minimale të lëvizin në rangun prej 6 deri në 11 gradë Celsius. Ndërkaq, vlerat maksimale të ditës do të luhaten nga 12 deri në 16 gradë Celsius. Gjatë ditës do të fryjë erë nga drejtimi i verilindjes dhe veriperëndimit, shpejtësia e së cilës do të variojë nga 1 deri në 9 metra për sekondë.