Edicioni i katërt i festivalit “Fotoist” hap dyert me gjashtë ekspozita dedikuar rrëfimeve njerëzore

Të premten në mbrëmje është shënuar nisja zyrtare e edicionit të katërt të festivalit ndërkombëtar të fotografisë “Fotoist”, përmes inaugurimit të gjashtë ekspozitave të para. Ky organizim vjen me synimin për t'i dhënë imazhit fotografik një dimension më të gjerë se ai thjesht artistik. Gjatë këtij viti, ngjarja kulturore do të përmbajë gjithsej 12 ekspozita dhe 36 aktivitete të ndryshme, duke e pozicionuar fotografinë në rolin e dëshmueses së kohës, ruajtëses së kujtesës kolektive dhe pasqyrimit të përvojave njerëzore e historive të dhimbjes.