Tubim masiv në Bruksel: Diaspora dhe qytetarët protestojnë kundër vendimit të Speciales për ish-krerët e UÇK-së

Një numër i madh i bashkatdhetarëve janë bashkuar në zemër të Brukselit për të shprehur pakënaqësinë e tyre të thellë ndaj vendimit të Gjykatës Speciale, i cili targeton ish-kudhtarët e Ushtrisë Çlirimtare të Kosovës (UÇK). Të pranishmit në këtë tubim kanë mbajur lart flamujt e UÇK-së, atë të Kosovës, të Shqipërisë dhe të Shteteve të Bashkuara të Amerikës, ndërkohë që atmosfera është shoqëruar vazhdimisht me ritmet e këngëve patriotike. Në mesin e masës së qytetarëve spikasin edhe individë që kanë marrë rrugën nga Kosova për të qenë prezentë, përfshirë këtu drejtues të nismës “Liria Ka Emër”. Po ashtu, në tubim janë dalluar vëllai i Kadri Veselit dhe Hysni Gucati. Kjo protestë organizohet si reagim i drejtpërdrejtë ndaj zhvillimeve të 16 shtatorit nga Gjykata Speciale, datë kur u shpallën dënimet për figurat kyçe: Hashim Thaçi dhe Jakup Krasniqi u ndëshkuan me nga 25 vite heqje lirie, Kadri Veseli u dënua me 18 vite, kurse Rexhep Selimi u dënua me 13 vite burgim.