Spektakël dhe triumf historik: Max Verstappen rrëmben fitoren e parë në garën sprint në Singapor

Piloti i skuadrës Red Bull, Max Verstappen, ka triumfuar në garën sprint të zhvilluar këtë pasdite në pistën urbane të Singaporit, duke regjistruar një sukses mjaft të rëndësishëm në këtë cirkuit. Festa e pilotëve dhe e tifozëve u desh të priste për shkak të një shtyrjeje prej 30 minutash, si pasojë e reshjeve të shiut dhe kushteve të vështira të pistës së lagur. Megjithatë, kampioni holandez menaxhoi më së miri situatën për të siguruar fitoren e tij të parë në këtë pistë. Kthesa vendimtare e garës erdhi në fund të xhiros së parë, kur George Russell i Mercedesit, i cili po udhëhiqte, bëri një gabimfatal dhe u përplas. Ky incident, së bashku me vendin e katërt të siguruar nga Kimi Antonelli me bolidin tjetër të “shigjetave të argjendta”, e aforcon edhe më shumë pilotin italian drejt kurorës së kampionit. Tashmë, Antonelli udhëheq i qetë renditjen e përgjithshme, duke krijuar një distancë prej 89 pikësh nga ndjekësit. Në podium, krahas holandezit, u ngjitën edhe dy makinat e Ferrarit. Lewis Hamilton përfundoi në vendin e dytë, ndërsa shoku i tij i skuadrës, Charles Leclerc, u rendit i treti. Gara dhuroi emocione deri në metrat e fundit, ku dy bolidet e McLaren u përplasën mes tyre gjatë xhiros së fundit, teksa tentonin të parakalonin Leclerc, i cili po vuante nga konsumimi i gomave. Si pasojë e kësaj përplasjeje, Oscar Piastri u detyrua të tërhiqej, ndërsa Lando Norris e mbylli garën i teti. Zona e pikëve u plotësua nga Liam Lawson i i pesti, Oliver Bearman i gjashti dhe Nico Hulkenberg i shtati. Për sa i përket dinamikës së garës, gjithçka nisi në favor të George Russell, i cili arriti të kalonte Verstappen që në kthesën e parë. Megjithatë, britaniku nuk arriti ta ruajë avantazhin, duke u përplasur qysh në xhiron e hapjes. Ky gabim i hapi rrugë holandezit, i cili mori kryesimin dhe e ruajti atë deri në rënien e flamurit me kuajata. Kjo garë sprint u karakterizua edhe nga një rekordreshje tërheqjesh, ku plot 9 makina u detyruan të braktisnin garën për shkaqe të ndryshme.