Basha pret ambasadoren e re helvetike: Theksi te projektet e përbashkëta në infrastrukturë

Ministri i Infrastrukturës dhe Transportit, Dimal Basha, ka zhvilluar një takim zyrtar me ambasadoren e re të Zvicrës në Kosovë, Anne-Lise Cattin Hennin, ku është diskutuar mbi mundësitë e intensifikimit të marrëdhënieve dypalëshe. Gjatë këtij takimi, palët vlerësuan lart lidhjet tradicionale mes dy vendeve, ndërsa u ndalën në mënyrë të veçantë te kontributi i çmuar i diasporës sonë në funksion të forcimit të urave të bashkëpunimit ndërshtetëror. Diskutimet u fokusuan te konkretizimi i nismave të reja në sektorin e transportit, me qëllim avancimin e infrastrukturës dhe zbatimin e projekteve të përbashkëta që ndihmojnë zhvillimin ekonomik. Në fund, u riafirmua gatishmëria e Ministrisë së Infrastrukturës dhe Transportit për të vijuar partneritetin e ngushtë me shtetin zviceran, në dobi të drejtpërdrejtë të qytetarëve.