Tragjedia në Gjilan: Reagon Rrjeti i Grave për vrasjen e rëndë në Livoç të Ulët

Rrjeti i Grave të Kosovës ka shprehur alarm dhe shqetësim të thellë lidhur me krimin e rëndë të regjistruar në fshatin Livoç të Ulët të Gjilanit, ku një grua dyshohet se u privua nga jeta nga bashkëshorti i saj. Në këtë ngjarje tragjike, jetën e ka humbur edhe vëllai i viktimës, ndërsa një person tjetër ka pësuar plagë. Në deklaratën zyrtare të organizatës theksohet se ky akt i dhunës ekstreme ndaj një gruaje nuk mund të gjejë asnjë lloj attenuejti apo arsyetimi përmes konflikteve apo mosmarrëveshjeve të kaluara. “Asnjë rrethanë nuk e justifikon marrjen e jetës së një gruaje. Kjo ngjarje rikujton edhe një herë pasojat fatale të dhunës ndaj grave dhe nevojën urgjente për parandalim dhe reagim institucional efektiv”, thuhet ndër të tjera në reagim. Më tej, RrGK ka bërë thirrje për një hetim të gjithanshëm dhe transparent të këtij rasti, me qëllim zbardhjen e plotë të rrethanave dhe vënien e menjëhershme të autorit para përgjegjësisë ligjore. “Parandalimi i këtyre vrasjeve kërkon angazhim të vazhdueshëm institucional dhe shoqëror, si dhe masa konkrete për të garantuar sigurinë dhe jetën e grave”, përfundon reagimi i Rrjetit të Grave të Kosovës.