Lëvizje surprizë nga Madridi: Reali synon transferimin e yllit të Napolit, Scott McTominay

Gjiganti spanjoll, Real Madrid, ka shfaqur interesim serioz për mesfushorin e Napolit, Scott McTominay, duke planifikuar një operacion të mundshëm në tregun e transferimeve të janarit. Kampionët në fuqi të Evropës po vlerësojnë mundësinë e afrimit të 29-vjeçarit për të shtuar konkurrencën dhe cilësinë në repartin e mesfushës. Sipas raportimeve të fundit, performanca mbresëlënëse e futbollistit skocez që prej largimit nga Manchester United në vitin 2024 ka rënë në sy të drejtuesve madrilenë. McTominay ka dëshmuar shpejt se është një vlerë e shtuar për çdo skuadër, duke u shndërruar në një lider të padiskutueshëm te Napoli. Ndër kontributet më të spikatura të tij ishte roli vendimtar në sezonin historik të Napolit, ku regjistroi 13 gola dhe gjashtë asistime, arritje që u kurorëzuan me çmimin prestigjioz MVP të Serie A për sezonin 2024/25. Ky ritëm i lartë është ruajtur edhe në vijim, ku në 44 ndeshje zyrtare ka realizuar 14 gola dhe katër asistime. Ky interesim vjen si pasojë e shndërrimit të McTominay në një mesfushor të elitës botërore. Një kalim i mundshëm në stadiumin “Santiago Bernabéu” do të shënonte kulmin e karrierës së tij, duke i dhënë mundësinë të dëshmohet në nivelin më të lartë të futbollit evropian.