Urim nga Gjiri: Emiri i Katarit fton për forcim të bashkëpunimit me Presidenten Shiroka Pula

Kreu i shtetit të Katarit, Sheikh Tamim bin Hamad Al Thani, i ka dërguar një mesazh urimi Presidentes së re të Kosovës, Justina Shiroka Pula, me rastin e marrjes së detyrës zyrtare. Sipas telegramit të bërë publik nga institucioni i lartë shtetëror i Katarit, Amiri Diwan, Emiri i ka përcjellë urimet më të sinqerta udhëheqëses kosovare për fat e mbarësi në përmbushjen e misionit të saj kushtetues në krye të shtetit. Gjatë këtij komunikimi zyrtar, është theksuar gjithashtu vullneti i përbashkët për të thelluar dhe zgjeruar partneritetin mes Republikës së Kosovës dhe Shtetit të Katarit në fushat me interes të ndërsjellë. “Duke i uruar asaj sukses në përmbushjen e detyrave të saj dhe marrëdhënieve mes dy vendeve më shumë zhvillim dhe përparim”, theksohet në komunikatën zyrtare të shpërndarë nga Amiri Diwan. Ky mesagj urimi vjen vetëm njëzet e katër orë pasi Justina Shiroka Pula bëri betimin solemn para Kuvendit të Kosovës për të marrë drejtimin e presidencës.