Përvjetori i rënies, Haradinaj nderojnë veprën e heroit Abedin Rexha – “Sandokani”

Kryetari i Aleancës për Ardhmërinë e Kosovës, Ramush Haradinaj, ka sjellë në vëmendje figurën e njohur të Ushtrisë Çlirimtare të Kosovës, Abedin Rexhën, i njohur gjerësisht si komandant “Sandokani”, në përvjetorin e ndarjes së tij nga jeta. Nëpërmjet një mesazhi të shpërndarë në rrjetet sociale, politikani dhe ish-komandanti i UÇK-së ka evokuar kujtimet nga koha e luftës krah bashkëluftëtarit të tij, duke e vlerësuar lart guximin dhe vendosmërinë që e karakterizonte atë gjatë përballjeve ushtarake. “Me Abedin Rexhën ishim bashkë në betejën e Qafë Mullarit, ditën kur ra Luani e u plagos Rafet Rama. E kujtoj si luftëtar trim e të vendosur, një emër i paharruar i lirisë së Kosovës. I përjetshëm kujtimi për të!”, ka shkruar ndër të tjera Haradinaj në kujtim të kontributit të Rexhës për lirinë e vendit.