Tragjedi në kryeqytet: Ndërron jetë gruaja pasi dyshohet se ra nga lartësia e një ndërtese

Një ngjarje e rëndë ka tronditur kryeqytetin, ku një grua ka gjetur vdekjen pasi dyshohet se ka rënë nga kati i tretë i një banese në Prishtinë. Sipas informacioneve zyrtare nga Policia e Kosovës, trupi i pajetë i viktimës është dërguar në Institutin e Mjekësisë Ligjore për t'i nënshtruar obduksionit. Në raportin zyrtar të forcave të rendit thuhet se njësitet relevante, menjëherë pas marrjes së njoftimit për rastin, dolën në vendngjarje, ku gjetën viktimën. Ekipi mjekësor që ndodhej në vendin e ngjarjes konstatoi vdekjen e saj, ndërsa me urdhër të prokurorit trupi u dërgua për ekzaminimet e duhura mjeko-ligjore.