Tragjedi në aksin Korçë-Maliq: Ndërron jetë 18-vjeçari që u përplas nga makina

Pavarësisht përpjekjeve maksimale të stafit mjekësor dhe trajtimit intensiv në repartin e reanimacionit në Spitalin e Korçës, ka ndërruar jetë 18-vjeçari Florian Matraku. I riu ishte përfshirë në një aksident të rëndë trafiku në aksin nacional Korçë-Maliq, konkretisht pranë kryqëzimit të fshatit Bulgarec, vetëm pak kilometra larg qytetit të Korçës. Sipas informacioneve paraprake, tragjedia ka ndodhur në momentin kur 18-vjeçari po përpiqej të kalonte nga njëri anë i rrugës në tjetrën, duke u përplasur nga një automjet që po udhëtonte në drejtim të Maliqit. Goditja ka qenë tejet e fortë, duke i shkaktuar atij plagë të rënda trupore. Përkundër ndërhyrjes së menjëhershme të mjekëve dhe gjithë përpjekjeve për t'i mbajtur shpresat e jetës gjallë, Matraku nuk ka mundur t'u rezistojë dëmtimeve kritike. Ndërkohë, drejtuesi i mjetit është shoqëruar nga autoritetet policore në komisariat, ndërsa grupi hetues dhe ekspertët e qarkullimit rrugor po vijojnë punën për të zbardhur plotësisht shkaqet dhe dinamikën e kësaj ngjarjeje të rëndë.