Cristiano Ronaldo përballet me sanksione të rënda pas largimit nga kombëtarja

Ylli portugez, Cristiano Ronaldo, ndodhet në qendër të një situate të tensionuar, pasi rrezikon një pezullim që mund të shkojë deri në gjashtë muaj. Shkak për këtë masë disiplinore është bërë largimi i tij i pajustifikuar nga grumbullimi i përfaqësueses së Portugalisë, pas një konflikti të ashpër me trajnerin Jorge Jesus. Sipas raportimeve të fundit, Federata Portugeze e Futbollit ka nisur zyrtarisht procedurat disiplinore ndaj 41-vjeçarit, duke u mbështetur në nenin 160 të Rregullores Disiplinore. Ky nen sanksionon rreptësisht çdo futbollist që braktis pa leje stërvitjet, ndeshjet apo aktivitetet e tjera zyrtare të kombëtares. Përveç pezullimit, lojtari mund të përballet edhe me një gjobë financiare që varion nga 510 deri në 1 mijë e 20 euro. Aktualisht, rregullorja parasheh një pezullim automatik parandalues përderisa çështja është në shqyrtim nga organet kompetente. Megjithatë, Ronaldo ka marrë përsipër përgjegjësinë për veprimin e tij, duke pranuar publikisht se largimi nga grumbullimi ka qenë një gabim. Ky pranim i fajësisë mund të shërbejë si një faktor lehtësues në vendimin përfundimtar. Në rast se organet disiplinore marrin për bazë bashkëpunimin e lojtarit, sanksioni mund të reduktohet ndjeshëm, duke e çuar dënimin minimal në 15 ditë pezullim dhe një gjobë prej 255 eurosh.