Fundi i epokës Montella: Federata Turke merr vendimin drastik pas rezultateve negative

Përfaqësuesja e Turqisë pritet të mbetet pa drejtuesin e saj teknik, pasi Federata Turke e Futbollit ka vendosur t'i japë fund bashkëpunimit me trajnerin Vincenzo Montella. Ky vendim vjen pas dy humbjeve radhazi kundër Italisë në Ligën e Kombeve, si dhe paraqitjes së zbehtë në Kupën e Botës, ku gjysmëfinalistët e dikurshëm arritën të kualifikoheshin por u eliminuan që në fazën e parë. Lajmi është bërë i ditur nga shtypi turk, ku e përditshmja e njohur “Milliyet” raporton se “është marrë vendimi për të shkarkuar trajnerin e ekipit kombëtar Vincenzo Montella”. Sipas të faktuareve nga e njëjta gazetë, krerët e TFF-së (Federatës Turke të Futbollit) do t'i paguajnë strategut italian – i cili përfitonte një pagë mujore prej 183,000 eurosh – një dëmshpërblim prej pesë muajsh page, duke mbyllur përfundimisht këtë kapitull. Megjithatë, deri në këto momente, nuk ka ende një konfirmim zyrtar nga institucioni i futbollit turk. Për sportdashësit në vendin tonë, italiani kujtohet si njeriu që i mohoi Kosovës ëndrrën e madhe për një kualifikim historik në Kampionatin Botëror, pasi Turqia triumfojë ngushtë 1-0 në stadiumin “Fadil Vokrri” në një sfidë tejet të fortë. Vincenzo Montella kishte marrë drejtimin e stolin turk në vitin 2023. Gjatë kësaj periudhe, duke përfshirë si ndeshjet zyrtare ashtu edhe ato miqësore, ai e udhëhoqi skuadrën në 40 takime, ku regjistroi 21 fitore, 14 humbje dhe 5 barazime. Megjithatë, forma e muajve të fundit ka qenë vendimtare për këtë kthesë, pasi në shtatë sfidat e fundit, mes Kupës së Botës dhe Ligës së Kombeve, ekipi ka shënuar vetëm një fitore dhe ka pësuar gjashtë humbje.