Anësori i Milanit, Omari Hutchinson: Ja pseudonimi im dhe përshtatja me futbollin italian

I transferuar te kuqezinjtë në orët e fundit të sesionit veror të transferimeve, Omari Hutchinson ka nisur gradualisht të integrohet në skuadër, duke regjistruar minuta edhe në sfidën e Europa League kundër Benfikës. Gjatë një interviste për “SportMediaset”, anësori nga Anglia ka ndarë përshtypjet e tij të para për eksperiencën e re në Serie A: “Po kënaqem pamasë te Milani. Natyrisht, aspekti taktik këtu në Itali është në një nivel tjetër dhe gjithçka është më e studiuar”, u shpreh ai. Duke folur për ambiciet e tij, 22-vjeçari shtoi se po punon me përkushtim maksimal: “Po stërvitem fort çdo ditë dhe dua t'i dëshmoj të gjithëve vlerat e mia në fushën e blertë”. Në fund të bisedës, lojtari anglez ka ndarë me publikun edhe një detaj interesant rreth nofkës që ka fituar brenda grupit. “Të gjithë më thërrasin ‘Magjistari’ (The Wizard). Pas kësaj periudhe pauze, shpresoj të kem hapësira dhe të kontribuoj edhe më shumë për skuadrën”, u shpreh Omari Hutchinson.