Dështimet në Ligën e Kombeve drejt shkarkimit Vincenzo Montellën, federata turke synon Arda Turanin

Federata Turke e Futbollit (TFF) është pranë marrjes së një vendimi vendimtar sa i përket fatit të stolit të Përfaqësueses së Turqisë dhe pozitës së trajnerit Vincenzo Montella. Sipas informacioneve të bëra publike, kreu i TFF-së, İbrahim Hacıosmanoğlu, ka marrë vendimin për të ndërprerë bashkëpunimin me teknikun italian, pas rezultateve negative dhe katër humbjeve të regjistruara në Ligën e Kombeve. Ky zhvillim e ka vendosur të ardhmen e Montellës në krye të turqve në një pikë tejet kritike, ndërkohë që krerët e futbollit në vend kanë nisur tashmë konsultimet dhe planet për gjetjen e zëvendësuesit të tij të përshtatshëm. Në këtë linjë, raportimet bëjnë me dije se institucioni drejtues i futbollit turk po përgatit një propozim zyrtar për Arda Turanin, i cili aktualisht mban detyrën e trajnerit te skuadra e Shakhtar Donetskut. Plani i diskutuar parashikon që Turani të marrë frenat e drejtimit të Kombëtares së Turqisë, duke ruajtur njëkohësisht edhe angazhimin e tij ekzistues te klubi ukrainas, një formulë e veçantë kjo që po analizohet seriozisht nga zyrtarët e federatës për të mundësuar një udhëheqje të dyfishtë të trajnerit.