Zemaj akuzon VV-në për standarde të dyfishta ndaj presidentit dhe Gjykatës Speciale

Deputeti i Lidhjes Demokratike të Kosovës, Armend Zemaj, ka reaguar ashpër pas zhvillimeve të fundit politike në vend, duke iu referuar zgjedhjes së Justina Shiroka-Pulës në postin e presidentes dhe votimit të ndryshimeve ligjore që lidhen me Dhomat e Specializuara. Sipas tij, këto ngjarje kanë nxjerrë në shesh dy realitete kyçe të skenës politike kosovare. Zemaj ka vënë inatin e tij në qasjen e Lëvizjes Vetëvendosje, e cila, sipas tij, ka pranuar pa hezitim një figurë politike nga radhët e Partisë Demokratike të Kosovës për udhëheqjen e shtetit, ndërkohë që në të kaluarën kishte ngritur kushte të rrepta për konsensus kur bëhej fjalë për kandidatë të mundshëm nga LDK-ja. “E para: për VV-në mund të jetë i pranueshëm një president politik që vjen nga PDK-ja, por jo një president politik që vjen nga LDK-ja. Vetëm nga LDK kërkohej konsensual??” – ka shkruar ligjvënësi i LDK-së, duke kritikuar mungesën e parimeve të njëjta në raste të ngjashme. Më tej, politikanë opozitarë komentoi edhe vendimmarrjen lidhur me ndryshimet në Ligjin për Dhomat e Specializuara dhe Zyrën e Prokurorit të Specializuar. Ai u shpreh se me votat pro të dhëna nga mazhoranca, Vetëvendosje ka konfirmuar de facto legjitimitetin e kësaj gjykate. “Këto nuk janë më vetëm debate politike as ndarje ideologjike, por janë veprime e votime të regjistruara në Kuvend”, ka shtuar më tej ai, duke theksuar se qëndrimet e deritanishme kanë marrë një epilog zyrtar përmes votës në institucionin më të lartë legjislativ. Në fund të reagimit të tij, Zemaj theksoi se ngjarjet e fundit i kanë dhënë fund dinamikave të fshehta apo të hapura mes dy subjekteve më të mëdha, duke përmbyllur se “votat treguan shumë më tepër se fjalët”.